Nga Ylli Manjani
Devijim i hatashëm i vëmendjes publike.
Acarimi i politikës në Parlament sfumoi disa gjetje të rënda dhe shumë të rënda të komisioneve hetimore parlamentare. Kështu u harruan:
1. Skandalet me pasoja të rrezikshme për sigurinë të gjetura tek sistemi TIMS.
2. Skandali i riciklimit të barnave të skaduara në magazinën e QSUT, me pasojë kriminale për jetën e fëmijëve të sëmurë.
3. U la pa hetuar sjellja spitalore përgjatë trajtimit në kohën e COVID.
4. Djegia e gjithë aparaturave të diagnostifikimit në QSUT.
5. Firmosja e shtesave të kontratës së sterilizimit, që po i faturohet padrejtësisht Beqes…
Ndërsa me arrestimet antibotox, po sfumohet situata kriminale (jo thjesht e mjekëve) te Onkologjiku, ku nuk ka barna për të gjithë. Një flakon ndahej në 4 pacientë, gjithnjë nëse këto të fundit kishin fat të pranoheshin në trajtim!!! Di gjë njeri, pas atij skandali a u siguruan barnat?! Pa lënë jashtë vëmendjes edhe lajmin periodik se po “kapen barna kontrabandë” për sfumuar cilësinë skandaloze e barnave që qarkullojnë nëpër farmaci. Barnat fallco konkurojnë me pahir barnat perëndimore. Këto të fundit quhen “kontrabandë”!!! Nuk e di, po kudo në normalitet secila prej këtyre çështjeve do kishte rrëzuar qeverinë, më e pakta.
