Vendi ynë mund të jetë një ndër vendet me nivelet më të larta të emigracionit të trurit në botë, por nga të arsimuarit shqiptarë të cilët kanë zgjedhur të jetojnë jashtë Shqipërisë, vetëm rreth 30% e tyre punojnë në profesion.
Të paktën kështu shkruan Monitor.al, duke iu referuar të dhënave të Bankës Botërore. Sipas këtyre të dhënave, vetëm 28% e emigrantëve të arsimuar punojnë në pozicione të lidhura me profesionin e tyre. Dhe ky është një nga nivelet më të ulëta në rang global.
Këto të dhëna tregojnë se shqiptarët preferojnë të largohen nga vendi, pavarësisht se mund të përfundojnë duke bërë punë më të thjeshta dhe që s’kanë lidhje me diplomat që kanë marrë gjatë studimeve të tyre. Mjaft të kujtojmë të dhënat e INSTAT-it, sipas të cilave Shqipëria, deri në vitin 2020, kishte përqindjen më të lartë në rajon të emigrimit të njerëzve të arsimuar dhe studentëve që jetojnë jashtë vendit.
Për më shumë lexo artikullin e Monitor.al
