Përshallëzohen tensionet mes Rusisë dhe Gjermanisë, ku Moska zyrtare ka njoftuar këtë të hënë se do të mbyllë Konsullatën e Përgjithshme Gjermane në Shën Petersburg. Ky vendim i Rusisë vjen si kundërpërgjigje për mbylljen e konsullatës ruse në Bon dhe të qendrës kulutore në Berlin. Gjermania i mori këto masa pas sulmit me dron në aeroportin e Leipzingut, për të cilin akuzoi Rusisë, e cila nga ana e saj e cilësoi një trillim absurd.
Ministria e Jashtme ruse vendosi ultimatum që konsullata gjermane në Shën Petersburg të ndërpresë aktivitetin e saj brenda datës 18 shtator. Gjithashtu, konfirmoi se qendrat kulturore të Institutit Gëte në Rusi duhet të ndërpresin aktivitetet e tyre, ndërsa stafit iu urdhërua të largohet nga vendi brenda datës 13 shtator.
Në deklaratën e saj, Ministria e Jashtme e Rusisë tha se ishin autoritetet gjermane ato që provokuan përshkallëzimin e marrëdhënieve dypalëshe.
“Ishin autoritetet gjermane ato që provokuan përshkallëzimin e marrëdhënieve dypalëshe. Qeveria gjermane mban përgjegjësi të plotë për pasojat”, shkruan Agjencia e Lajmeve Reuters
Ndërkohë, Rusia pati një mesazh edhe për Norvegjinë, duke pretenduar se me zgjerimin e kapaciteteve të saj ushtarake përbën kërcënim për vendin.
