Telenovela “Parashqevi” vazhdon të mbajë audiencën në tension me këmbënguljen e biznesmenit Elton Ilirjani, i cili është një nga personazhet kryesorë në këtë histori. Ai ka qenë i pari që solli rastin e Parashqevi Simakut dhe ka dalë shpesh në publik për të folur rreth saj dhe situatës në të cilën ndodhet, duke bërë që kjo histori të mbetet ende në qendër të vëmendjes.
Historia e Parashqevi Simakut është kthyer në një magnet për audiencën, e cila vazhdon të shprehë kuriozitet për çdo detaj të jetës së saj që mbetet jashtë syrit së tyre. Duke qenë një nga ikonat më të njohura të shqiptarëve, rrugëtimi i saj ka prekur zemrat e shumë njerëzve dhe vazhdon të jetë pjesë e bisedave të përditshme.
Elton Ilirjani vazhdon të këmbëngulë për të mbajtur në qendër të vëmendjes këtë histori, duke bërë një njoftim të bujshëm për rikthimin e Parashqevi Simakut në muzikë. Sipas tij, diva shqiptare do të rikthehet sërish në treg dhe do të sjellë një risi për fansat e saj.
Projekti i ri nga Parashqevi Simaku
Në një intervistë ekskluzive për emisionin “Opinion”, sipërmarrësi Elton Ilirjani foli për të fshehtat dhe misteret që e kanë rrethuar jetën e Parashqevi Simakut. “Cilat janë të fshehtat e saj? Kush janë njerëzit që i shkatërruan jetën? Si jetoi ajo 7 vjet në qiell të hapur?”, këto ishin disa nga pyetjet që u trajtuan gjatë intervistës.
Eltoni është ndër të parët që ka raportuar rreth përditshmërisë së Parashqevisë, duke e mbajtur gjithmonë në qendër të vëmendjes publike dhe duke krijuar një atmosferë të vazhdueshme kurioziteti rreth saj.
