Pas denocimit publik të ish-zv.kryeministrit Arben Ahmetaj për trafik armësh, SPAK-u ka vendosur të nisë verifikime mbi deklaratat e bëra. Byroja Kombëtare e Hetimit (BKH) ka administruar tashmë përmes YouTube-it intervistën e plotë për “Syri Tv”. Materiali i është kërkuar zyrtarisht televizionit përmes një shkresë nga kreu i SPAK-ut, Klodian Braho. Kjo është hera e parë që SPAK-u merr në konsideratë denoncimet e bëra ndaj kreu të qeverisë Edi Rama, nga Ahmetaj. Deri para publikimit të përgjimeve, ndaj Ramës nuk ka patur asnjë lëvizje. Ish-zv.kryeministri Ahmetaj tregon lidhjet e qeverisë Rama me biznesmenin Ron Yeffet. Sipas tij në audiopërgjim hidhen dyshime për një skemë të dyshuar të abuzimit me fondet publike, grabitjes së aseteve shtetërore dhe trafikut ndërkombëtar të armëve.
Ai nxjerr emrin e biznesmenit izraelit, Ron Yefet, kompanisë “Timak Defense” dhe asaj që Ahmetaj e quan “koncepti KAYO”. Ahmetaj jep detaje për akuzat që hedh mbi industrinë ushtarake. Sipas tij “Armët prodhohen e paketohen në Shqipëri për t’u dërguar më pas në zona konflikti”. Ai bën përgjegjës për gjithë këtë skeme kreun e qeverisë, Edi Rama.
Lexo edhe: https://gogo.al/arben-ahmetaj-nxjerr-5-audiopergjime-trafik-nderkombetar-armesh/
