Denoncimi i Partisë së Lirisë dy ditë më parë hapi një kapitull të ri në hulumtimin publik të skemës së inceneratorëve.
Indicia dhe dokumentet e publikuara nga Partia e Lirisë se kompania e inceneratorëve ka përfituar mbi 310 mijë euro grant nga fondet e IPARD-it që lëvrohen nëpërmjet AZHBR-së, nxiti më pas medien të shkruante mbi rastin.
E vetmja e dhënë që nuk është publikuar deri më tani është emri i personit që Frida Krifca, ministrja e Bujqësisë dhe Zhvillimit Rural, asokohe në krye të AZHBR-së, ka shpërblyer me 310 mijë euro.
Ai quhet Elton Bualli.
Z.Bualli ka përfituar nga paratë e taksapaguesve të Bashkimit Europian dhe taksapaguesve shqiptarë për ndërtimin e një sere prodhimi për fruta e perime.
Kush është Elton Bualli
Në profilet e tij të rrjeteve sociale z.Bualli nuk e ka fshehur aspak lidhjen e tij me kompaninë “Integrated Energy BV SPV”, duke e shprehur hapur pozicionin e tij si drejtor në të.
Por më tej edhe ka avancuar në këtë arritje të karrierës, ndërsa në vitin 2020 promovonte me zë e figurë inceneratorin e Sharrës.
Në një kronikë në “Top Channel”, drejtori Bualli tregonte se çfarë standardesh të larta do të arriheshin me inceneratorin e Sharrës.
