Nga Flavio Qarri
12 gusht, zjarret në Gramsh. Në Skënderbegas fshati goditet rëndë. Fatkeqësisht kemi viktimë. Bato Zhupani 82 vjeç. U gjet me biçak në dorë. Në çastet e fundit po tentonte të zhbllokonte një tub uji për të luftuar zjarrin.
Pak orë më vonë Rama dhe Vengu bëjnë një deklaratë të fortë: Viktima ishte njëkohësisht edhe piromani!
Nuk munguan as komentet e tipit “mirë iu bë”, (ndoshta ai ishte një nga qëllimet së bashku me fajësimin dhe mbylljen aty e ashtu të çështjes.
Sot ftova dy persona në emision. Shefi i Zjarrëfikëses në Gramsh (i dekoruar së fundmi nga Kryeministri) i cili tha: Kishim 5 vatra njëkohësisht!
I dyti ishte djali i viktimës i cili tha: Babai ishte në kullotë me bagëtitë, e telefonuan se kishte rënë zjarr në fshat dhe shkoi të shpëtonte gruan dhe mbesën e mitur, u dogj i gjallë dhe u la trupi të digjej për 12 orë nga shteti.
Pyetje:
Pse gënjeu Rama dhe Vengu?
Pse u futën në qeli një grua plakë 75 vjeç dhe një vajzë 13 vjeç ndërkohë që sapo u ishte djegur i gjallë familjari i tyre?
Pse u la trupi të shkrumbohej edhe pse ishte në mes të fshatit?
