Klodian Tomorri
Votoi diaspora e Kosovës para dy muajsh. Bëri dhe KQZ-ja e Kosovës platformën elektronike për regjistrimin e emigrantëve. Kostoja totale e platformës me të gjitha aplikacionet 166 mijë euro.
Po voton diaspora e Shqipërise tani. Bëri dhe KQZ-ja jonë platformë elektronike për regjistrimin e votuesve nga jashtë. Tenderin e mori Infosofti. Kostoja, 1.8 milione euro.
1.8 milionë pjestim për 166 mijë sa bëjne? 10.8 herë më shtrenjtë.
Platforma janë të dyja. Të njëjtin funksion kanë. Regjistrohen emigrantët online. Po ça ka ndryshe kjo jona e? Hajde gjeje ti.
Dhe ky i platformës është llokma më e vogël aty. Se ka dhe 10 milionë euro DHL, pastaj është dhe Smartmaticu, që në çdo palë zgjedhje vjen na shkund naj çik.
Diku 20 milionë euro, diku 10, diku 7, diku 3 milionë. Sipas rastit, Smartmaticu për vete është nën hetim për korrupsion në SHBA. Ca punonjës ja arrestuan se korruptuan KQZ-në e Filipinës.
Në gjithë ketë para të madhe, SPAKU dhe KQZ-ja kanë ngritur dhe një ekip të përbashkët special për të kapur hajdutët e zgjedhjeve.
Ky është vend i pamposhtur me të vërtetë. Gjermani-në po ta kishin vjedhur kaq, sot e kishe të falimentuar si shtet.
