Rezearta Caushaj, aktiviste dhe analiste politike, në një bisedë me gazetaren Valmora Gogo shtron arsyet dhe zgjidhjet e situatës që është krijuar së fundmi në Shqipëri me përdorimin e mediave sociale.

“Nuk jam për mbylljen e tyre”, thotë Caushaj, duke shtuar se zgjidhje më e logjikshme e menaxhimit të platformave si Tik-Tok është monitorimi i fëmijëve dhe edukimi i përdoruesve.

Caushaj nuk heziton të artikulojë edhe përgjegjësinë që media profesionale ka në raportimin e vetëvrasjeve të ndodhur së fundmi, ku ka qenë e përfshirë edhe teknologjia.

Një analizë të detajuar, Caushaj i bën edhe situatës së opozitës në Shqipëri dhe seriozitetit që gëzon në perceptimin e publikut qeveria.

“Vizioni dhe qëllimi afatgjatë  mund ta nxjerrë të suksesshme opozitën në Shqipëri përballë qeverisë Rama”, thotë Caushaj.

Valmora Gogo është gazetare dhe lektore e Komunikimit dhe e Gazetarisë. Prej 17 vitesh ajo kontribuon në hapësirën mediatike në Shqipëri, duke nisur që prej gazetës Shekulli e deri te mediet online si Newsbomb.al, Shuplaka.al dhe Hashtag.al. Gogo mban gradën “Doktor në Gazetari dhe Shkenca Komunikimi” dhënë nga Departamenti i Gazetarisë dhe Komunikimit në Fakultetin e Historisë dhe Filologjisë, Universiteti i Tiranës. E fokusuar në kërkim dhe kryesisht në politikë, Gogo kujdeset në informimin e saktë të opinionit publik shqiptar.

Leave a Reply

  • (not be published)