Nga Klodian Tomorri
Kryeministri i Serbisë u palos sot nga sot protestat që kanë përfshirë vendin. Vuçiçi është në rrezik të madh, që mos t’ia hedhë dot. Arsyeja se pse Serbia po zien është rënia e një stacioni treni në Novi Sad që vrau 15 veta. Kompania që projektoi stacionin ishte një hungareze që quhet “Utiber”.
Por bota është e vogël shumë. Pak javë më parë “Utiber” fitoi nga hekurudha shqiptare tenderin 1.8 milionë euro për asistencen teknike të hekurudhës Durrës-Rrogozhinë.
Tani lutuni që mos të përplasen trenat. Megjithatë një gjë është e sigurtë. Larg qoftë edhe po të përplasen, këtu protesta nuk ka për të patur asnjëherë. Por edhe po pati ndonjë të vogël, do japë dorëheqjen Bajrami.
Me pak fjalë Vuçiçit po i shkon shtatë nga populli se i ra stacioni i “Utiber”-it. Këtu është mirë t’i shkojë shtatë popullit, që hungarezët të venë dorën në zemër dhe t’i bëjnë llogaritë më mirë se tek stacioni i trenit të Novi Sadit.
