Mijëra protestues i kanë dhënë afat kryeministrit Edi Rama deri nesër më 21 qershor të largohet nga qeveria. Godina e kryeministrisë është rrethuar nga qytetarë. Ata protestojnë prej 21 ditësh kundër qeverisë. Shqiptarët e diasporës kanë ardhur duke u bashkuar me thirrjet për burgosjen e kryeministrit Edi Rama dhe kreut te opozitës Sali Berisha. Ata mbërritën në Tiranë me një autokolonë të gjatë me brohorima e thirrje kombëtare.
Sot u shpalosën kërkesë së reja si thirrja ndaj SPAK-ut për heqjen e imunitetit të Ramës dhe ndjekja penale ndaj tij për shkelje të Kushtetutës. Përveç largimit të Ramës, shihet si zgjidhje krijimi i një qeverie teknike, jo me figura të politikës, por me personalitete të shkencës dhe pas 8 muajsh të shkohet ne referendumin popullor.
Sekuestrimi i pasurive është një tjetër pikë e shpallur në podium, e cila do lejojë sekuestrimin e pasurive të politikanëve, deputetëve, ministrave të ardhurat e të cilëve nuk përputhen me investimet që kanë. Ajo që ra në sy ishte edhe ndjekje penale për ish-kryeministrin Sali Berisha i cili sipas tyre ka shkatërruar 500 fabrika e uzina, firma piramidale, sollën luftën civile.
Disa prej sloganeve të sotme janë “Je i rrethuar, s’ke për të shpëtuar”, “Ik nga Kryeministria se të pret qelia”, “Populli i fut frikën kryeministrit jo më Belindës që është nën hetim!”, drejtuar SPAK-ut: “Heto Ramën! Balluku, Veliaj, Ahmetaj s’kanë vjedhur vetëm!”, ndërsa sonte kanë njoftuar se do qëndrojnë në bulevard deri në mëngjes.
