Presidenti amerikan Donald Trump ka në plan të “ndahet” nga Tesla e tij e kuqe të cilën e bleu vetëm para 4 muajve. Lajmi konfirmohet nga një zyrtar i lartë i Shtëpisë së Bardhë për median e djathtë amerikane “CNN”.
Automjeti i tij qëndron i parkuar në hyrjen perëndimore të Shtëpisë së Bardhë, kjo vetëm një ditë pas debatit e përplasjeve me Trump dhe Elon Musk që është edhe CEO i kompanisë “Tesla”, konflikt i cili u bë publik në të gjitha mediat ndërkombëtare. Më herët Trump ka lejuar që makina e tij të përdoret edhe nga anëtarë të rinj, pjesë e stafit.
“Duke dalë për një xhiro me Tesla-n e Presidentit Trump dhe @PressSec,” postoi Margo Martin në X gjatë majit, duke ndarë një foto nga brenda makinës, së bashku me zëdhënësen e Shtëpisë së Bardhë, Karoline Leavitt.
Makina tani rri mënjanë, ndërsa në mars ajo ishte në qendër të vëmendjes pasi Trump e kishte kthyer sheshin në pjesën jugore të Shtëpisë së Bardhë në një “sallon” për makinën e tij të kuqe, si një shenjë miqësie e mbështetjeje për Musk i cili pritej të bëhej këshilltari i tij presidencial. Trump madje njoftoi se kishte blerë një Cybertruck për mbesën e tij.
Tani çdo gjë ka mbetur pezull ndërsa Musk ka plasur publikisht skandalin e përfshirjes së Trump në dosjen e Epstein. Debati mes tyre erdhi pasi Musk kundërshoi projektligjin gjithëpërfshirës të Trump për shkurtimin e taksave dhe shpenzimeve.
