Nga Irena Beqiraj
Edgar Morin shkruan :
“Problemi nuk është se nuk ishe i arsimuar. Problemi është se ishe i arsimuar mjaftueshëm për të besuar atë që të mësuan, por jo mjaftueshëm për të vënë në dyshim gjithçka që të thanë.”
Ndaj sa herë flet Kryeministri, qeveria e të cilit dallohet për metodologjinë ” që një matës I vlefshëm më lehtë mund të manipulohet sesa të arrihet” gjithmonë duhet verifikuar informacioni .
Në raportin e OECD për Shqipërinë thuhet shprehimisht :
“Meqenëse mungesa e plotë e shkollave të vogla nënkupton një boshllëk strukturor në mbulim, që nuk mund të korrigjohet plotësisht duke përdorur rregullime statistikore, raportimi i rezultateve për Shqipërinë në raportet ndërkombëre është i kufizuar, pa raportime të trendit dhe me informacionin të kufizuar të mbledhur përmes pyetësorëve”
Dhe më tej raporti tregon që :
“Në Shqipëri, 5 959 nxënës, në 160 shkolla, përfunduan vlerësimin, duke përfaqësuar rreth 22 800 nxënës 15-vjeçarë (rreth 72% e popullsisë totale të 15-vjeçarëve)”
E pra, kush di të lexojë arrin ta dallojë gënjeshtrën e besueshme , dhe kupton që me gjuhë të kujdeshme raporti na thotë që për shkak të pjesëmarrjes së ulët , edhe mos përmbushjes së standarteve të përzgjedhjes së studentëve të testuar , rezultatet do të përdoren në mënyrë të kufizuar në raportimet ndërkombëtare, dhe janë vështirësisht të krahasueshme në trende kohore .
Kjo për një arsye fare të thjeshtë :
“MADHËSIA dhe CILËSIA e kampionit të përzgjedhur përcaktojnë nëse një rezultat është një pasqyrë kuptimplotë apo një iluzion mashtrues. Duke pasur parasysh problemet me mostrën e studetëve të përzgjedhur , më shumë sesa një “dëftesë e jashtëzakonshme” rezultati është një iluzion mashtrues.
Metoda e qeverisë e e ndjekur në këtë rast është e qartë , nëse një matës pranohet gjerësisht si matës I vlefshëm më lehtë është ta manipulosh sesa ta arrish!
Fatkeqësia në këtë rast, nuk është vetëm se Ministria e Arsimit është kujdesur në formësimin e këtij iluzioni duke përjashtuar nga testimi kryesisht shkollat në zonën rurale e as se dhe Kryeministri, manipulon kur thotë që ky është rezultati më i mirë i arritur ndonjëherë , ndërsa raporti na paralajmëron se cilësia statistikore e këtyre rezultateve është e pamjaftueshme për të bërë krahasimin në kohë….. të gjitha këto janë normë tanimë në këtë vend. Fatkeqësia është se luga bosh e propagandës po përdoret pa më të voglin hezitim tek përcaktuesi bazë i të ardhmes së një kombi, arsimi
