Shqipëria renditet në mesin e vendeve që pritet të ketë rënien më të madhe të popullsisë në projeksionet e fundit të OKB-së për vitet 2024-2054. Në raportin e OKB-së, grupi i vendeve ku përfshihet Shqipëria, Bosnja dhe Hercegovina, Lituania, Porto Riko dhe Moldavia pritet të përballet me një rënie të popullsisë në nivelet 14% në 30 vitet e ardhshme.
Monitor.al duke iu referuar këtij raporti të OKB-së shkruan se në 63 vende dhe zona të tjera, që aktualisht zotërojnë 28% të popullsisë së botës popullsia e tyre arriti kulmin para vitit 2024. Ky grup përfshin Kinën, Gjermaninë, Japoninë dhe Rusinë.
Por në vende si Shqipëria, Armenia, Guadalupa apo Xhamajka, emigrimi i një numri të madh të grave në moshë riprodhuese mund të zvogëlojë numrin e lindjeve që ndodhin në ato vende. Në vendet me shkallë të lartë emigracioni, nëse krijohen më shumë mundësi dhe punë të denjë, promovimi i kthimit të migrimit, mund të jetë qasje për t’u eksploruar dhe mund të jenë më efektive në ngadalësimi i rënies së popullsisë në afat të shkurtër se sa politikat që synojnë rritjen e niveleve të lindshmërisë.
Për më shumë lexo artikullin e plotë të Monitor.al
