Gazetari Klodian Tomorri ka bërë një analizë të detajuar, ku tregon se si miliona euro taksa po u merren pa të drejtë profesionistëve të lirë.
Çfarë është ajo që po ndodh? Ligji i ri për tatimin mbi të ardhurat thotë se për profesionet e lira me të ardhura vjetore deri 14 milionë lekë në vit shpenzimet e zbritshme fikse të padeklaruara në kontabilitet njihen në vlerën 30%.
Por siç thekson Tomorri, për shkak të natyrës së tyre specifike, profesionet e lira nuk kanë shpenzime. Rrjedhimisht i gjithë qarkullimi që ata faturojnë shkon si bazë e taksueshme. Edhe pse neni është në ligj ai nuk po zbatohet dhe si shprehet Tomorri “dikush në ministrinë e Financave ose në administratën Tatimore ka vendosur” që profesionet e lira duhet ta paguajnë tatimin mbi xhiron e plotë dhe më pas, në muajin Mars të vitit tjetër do të kenë mundësinë të bëjnë rakordimet për të zbritur 30 përqindëshin që njeh ligji. Pra, qeveria u merr atyre para më shumë se duhet të paguajnë vetëm për t’ja kthyer mbrapsht pas një viti. Për më shumë lexoni këtu analizën e plotë të Tomorrit.
