Nga Aurel Plasari
Në një nga zyrat e Drejtorisë së Shtypit nga e majta: Anastas Plasari, në këmbë Llazar Treska, ulur Nonda Bulka. Pastroj hera-herës foto të vjetra nga arkiva e tim eti dhe këtë punë IA-ja e bën mjaft mirë, meriton falenderime. Pastaj e pyes për identifikimin e personave dhe fillon me të parin Nonda Bulkën: Francis Scott Fitzgerald e me radhë të tjerët: futja kot. Por Nonda-Fitzgerald! Kjo më pëlqeu shumë. Pyes IA-në italisht dhe i identifikon menjëherë: Giorgio La Pira, Aldo Moro, Giuseppe Dossetti!
Ja, pra, sa të rezervuar duhet të jemi me infot që na jep IA-ja. Ngaqë fotoja nuk ka qenë publikuar më parë, IA-ja nuk ka info për personazhet në të. Në përgjithësi, jo vetëm në rastin e fotove, IA-ja të gjitha infot i ka nga ato që ka publikuar QENIA NJERËZORE. IA-ja përdor teknikë elektronike të sofistikuar kërkimi, duke u futur në çdo “birë” të dhënash, dhe i gjen ato aty ku mund të mos mbërrijmë dot ne. Por, nëse QENIA NJERËZORE nuk i ka dhënë infon X, IA-ja jo vetëm nuk ta jep dot infon X, por-ç’është më keq-të jep në vend të saj infon Y. Kujdes me IA-në !
