Hulumtuar prej kohësh, OCCRP-ja sjell fakte mbi korrupsionin e asaj që e quan “Mbretëria Matraimov”, një klan i fuqishëm në Kirgizstan, shtetit në Azinë Qëndrore.
Për vite, siç u zbulua në një seri të mëparshme investigative, zëvendësshefi i Doganave Raimbek Matraimov mundi dhe përfitoi nga një perandori kontrabande e drejtuar nga një familje e fshehtë Ujgure.
Matraimovi nuk është më në shërbimin doganor por me kalimin e viteve, ai dhe vëllezërit e tij, të cilët ende mbajnë funksione të rëndësishme publike, kanë grumbulluar pasuri të mëdha dhe i kanë kthyer ato në influencë.
Kjo seri e re investigimesh tregon se si. Nga të jetuarit një mënyrë jetese ekstravagante me paga modeste të deklaruara, në marrjen fshehurazi të kontrollit të lehtësirave private doganore dhe rrugëve tregtare, deri tek derdhja e pasurisë në një fushatë të rëndësishme zgjedhore.
Kirgizstani është bërë i njohur për shqiptarët muaj më parë kur nisi të shërbente aty si ambasador i Shteteve të Bashkuara të Amerikës Donald Lu, i cili shërbeu prej kohësh në Shqipëri. Së fundi Kirgizstani i ka shpallur zgjedhjet të paligjshme për shkak të manipulimeve.
Lexo këtu investigimin
