Ndërsa arsyet për zvogëlimet e stafit ndryshojnë, masat për uljen e kostove po ndodhin në një kohë ndryshimesh teknologjike. Një sondazh i Forumit Ekonomik Botëror (WEF) vërejti se rreth 41% e kompanive në mbarë botën presin të reduktojnë fuqinë e tyre punëtore gjatë pesë viteve të ardhshme për shkak të rritjes së përdorimit të inteligjencës artificiale. Kompanitë si “Oracle”, “CNN”, “Dropbox” dhe “Block” kanë njoftuar më parë shkurtime pune të lidhura me AI. Edhe pse “Amazon” nuk ka shpallur shkurtime këtë vit, CEO Andy Jassy u tha punonjësve në qershor se kompania do të ketë nevojë për “më pak njerëz për disa prej punëve që po kryhen sot” në vitet e ardhshme, teksa rrit përdorimin e AI gjenerative dhe agjentëve. Ndërkohë, sipas WEF, vendet e punës në teknologji si big data, fintech dhe AI pritet të dyfishohen deri në vitin 2030. Ja kompanitë me shkurtime të planifikuara ose tashmë të nisura në vitin 2025, sipas rendit alfabetik:
Në janar, Adidas njoftoi se do të ulte numrin e fuqisë punëtore në selinë e vet në Herzogenaurach të Gjermanisë, duke prekur deri në 500 vende pune, raportoi CNBC. Nëse plani zbatohet plotësisht, përbën një reduktim prej gati 9% në seli, ku punojnë rreth 5,800 punonjës, sipas faqes zyrtare të Adidas. Lajmi erdhi pak pasi kompania njoftoi se kishte tejkaluar pritshmëritë e fitimit në fund të vitit 2024, me rezultate “më të mira se sa pritej” në tremujorin e katërt.
Një zëdhënës i Adidas tha se kompania ishte bërë “shumë komplekse për shkak të modelit aktual të operimit”.
“Për të përgatitur Adidasin për sukses afatgjatë, po shqyrtojmë sesi mund të përshtatim modelin tonë operacional me realitetin e punës sonë. Kjo mund të ketë ndikim te struktura organizative dhe numri i pozicioneve të bazuara në selinë tonë në Herzogenaurach.”-tha kompania. Adidas tha se ky veprim nuk është një masë kursimi kostosh dhe nuk konfirmoi shifra të sakta.
Ally po shkurton më pak se 5 % të punonjësve
Ally po largon të paktën 500 punonjës Ally Bank/Facebook
Kompania e shërbimeve financiare digjitale Ally po pushon rreth 500 nga 11,000 punonjësit e saj, konfirmoi një zëdhënës për Business Insider.
“Ndërsa vazhdojmë të përshtatim madhësinë e kompanisë sonë, morëm vendimin e vështirë për të reduktuar selektivisht fuqinë punëtore në disa sektorë, duke vazhduar njëkohësisht punësimet në fusha të tjera,” tha zëdhënësi.
Ai shtoi se kompania po ofron paketa largimi, mbështetje për ripunësim, si dhe mundësinë për të aplikuar në pozicione të tjera brenda kompanisë Ally.
Në tetor 2023, Ally kishte bërë një nivel të ngjashëm shkurtime, raportoi Charlotte Observer.
Automattic, kompania mëmë e Tumblr, shkurton 16% të stafit
(Foto: Thiago Prudencio/SOPA/LightRocket/Getty Images)
Automattic, kompania mëmë e Tumblr dhe WordPress, tha në prill se do të shkurtojë 16% të stafit të saj globalisht. Në faqen zyrtare thuhet se kompania ka rreth 1,500 punonjës.
CEO i Automattic, Matt Mullenweg, në një shënim drejtuar punonjësve të publikuar online, u shpreh se kompania ka arritur në një “kombinim të rëndësishëm”.
“Edhe pse të ardhurat tona vazhdojnë të rriten, Automattic operon në një treg shumë konkurrues dhe teknologjia po evoluon me shpejtësi të paparë,” thuhej në mesazh.
Kompania po ristrukturohet për të përmirësuar “produktivitetin, fitimshmërinë dhe kapacitetin për të investuar”.
Gjithashtu, Automattic njoftoi se po ofron paketa largimi dhe burime për ripunësim për punonjësit e prekur.
BlackRock po redukton 1% të forcës punëtore
Së fundmi u raportua se BlackRock po planifikon shkurtim vendesh pune. (Foto: Eric Thayer/Reuters)
BlackRock u tha punonjësve se planifikonte të shkurtonte rreth 200 persona nga forca e saj punëtore prej 21,000 vetash, raportoi Bloomberg në janar.
Shkurtimet u tejkaluan ndjeshëm nga rreth 3,750 punonjës të rinj që u shtuan vitin e kaluar. Presidenti i BlackRock, Rob Kapito, dhe drejtori i saj operativ, Rob Goldstein, thanë se shkurtimet do të ndihmojnë në riorientimin e burimeve të firmës me strategjinë e saj, raportoi Bloomberg.
Block do të pushojë gati 1,000 punonjës
Block operates operates Square, Afterpay, CashApp, and Tidal. REUTERS/Dado Ruvi
Kompania fintech e Jack Dorsey-t, Block, në një valë të dytë shkurtimesh po largon gati 1,000 punonjës, sipas TechCrunchdhe The Guardian, brenda një viti.
Kompania, e cila zotëron Square, Afterpay, CashApp dhe Tidal, po transferon rreth 200 menaxherë në role jomenaxheriale dhe po mbyll afro 800 pozicione, sipas një emaili të siguruar nga TechCrunch.
Dorsey, i cili bashkëthemeloi Block në vitin 2009 pasi kishte drejtuar më parë Tëitter, njoftoi shkurtimet në mars përmes një emaili të brendshëm me titullin “smaller block” (“Block më i vogël”).
Ristrukturimi është pjesë e një përpjekjeje më të gjerë për të thjeshtuar operacionet, edhe pse Block theksoi se ndryshimet nuk janë të nxitura nga objektivat financiarë apo zëvendësimi nga AI.
Bloomberg po bën shkurtime si pjesë e riorganizimit të redaksisë
Njerëzit dalin nga një zyrë e Bloombergut në Nju Jork. (Foto: Eduardo Munoz/Reuters)
Bloomberg po redukton një pjesë të stafit editorial ndërsa kompania po ristrukturon redaksinë e saj, sipas një njoftimi të parë nga Business Insider.
Megjithatë, strategjia synon që deri në fund të këtij viti numri i punonjësve të jetë më i lartë se sa është aktualisht.
“Redaksia e Bloomberg ka rreth 2,700 punonjës, dhe ndryshimet do të përfshijnë bashkimin e disa ekipeve më të vogla në njësi më të mëdha”, -thuhet në njoftim.
Blue Origin do të pushojë një të dhjetën e fuqisë punëtore
Foto Mark Wilson/Getty Images
Kompania hapësinore e Jeff Bezos, Blue Origin, po redukton rreth 10% të stafit, një lëvizje që mund të prekë mbi 1,000 punonjës.
Në një njoftim dërguar stafit në shkurt dhe (siguruar nga Business Insider), CEO i Blue Origin, David Limp, tha se prioriteti i kompanisë në vijim është “të shkallëzojë prodhimin dhe ritmin me shpejtësi, vendosmëri dhe efikasitet për klientët tanë.”
Limpi identifikoi rolet në inxhinieri, kërkim-zhvillim dhe menaxhim si objektiva të shkurtimeve.
“Ne u rritëm dhe punësuam me shpejtësi të jashtëzakonshme në vitet e fundit, dhe me atë rritje erdhi më shumë burokraci dhe më pak fokus nga sa na duhej,” shkroi ai. “Gjithashtu, u bë e qartë se struktura e organizatës duhet të ndryshojë për të siguruar që rolet tona të jenë në përputhje me zbatimin e këtyre prioriteteve.”
Lajmi erdhi pas lëshimit debutues në janar të raketës së re të kompanisë New Glenn, pjesërisht të ripërdorshme.
Boeing shkurton 400 vende pune nga programi i raketës për në Hënë
Stephen Brashear/Getty Images
Boeing njoftoi më 8 shkurt se planifikon të reduktojë 400 role nga programi i saj i raketës për në Hënë, për shkak të vonesave dhe rritjes së kostove që lidhen me misionet e eksplorimit hënor të NASA-s, Artemis.
Fluturimi i Artemisë 2, një udhëtim i ekuipazhit në orbitën e Hënës me sistemin e lëshimit të hapësirës së Boeing, është riplanifikuar nga fundi i vitit 2024 për shtator 2025. Artemis 3, i destinuar të jetë ulja e parë e astronautëve në Hënë në këtë program, është vonuar nga fundi i vitit 2025 dhe tani planifikohet për në shtator 2026.
“Për t’u përputhur me rishikimet e programit Artemis dhe pritshmëritë për kostot, informuam ekipin tonë të Space Launch Systems për mundësinë e rreth 400 pozicioneve më pak deri në prill 2025,” tha një zëdhënës i Boeing për Business Insider. “Po punojmë me klientin tonë dhe po kërkojmë mundësi për të ripërdorur punonjësit nëpër kompani për të minimizuar humbjet e vendeve të punës dhe për të mbajtur ekipin tonë të talentuar.”
Kompania do të lëshojë njoftime 60-ditore për largim të detyruar për punonjësit e prekur “në javët në vijim,”- tha zëdhënësi.
Vitin e kaluar, Boeing kishte shkurtuar 10% të fuqisë punëtore.
BP shkurton 7,700 vende pune në staf dhe kontraktorë në mbarë botën
Gjiganti i naftës BP po shkurton mijëra vende pune. (Foto: John Keeble/Getty Images)
BP tha për Business Insider në janar se planifikonte të largonte 4,700 punonjës dhe 3,000 kontraktorë, që përbënte rreth 5% të fuqisë punëtore globale.
Shkurtimet janë pjesë e një programi për të “thjeshtuar dhe përqendruar” BP, i cili nisi vitin e kaluar.
“Po forcojmë konkurrueshmërinë tonë dhe po ndërtojmë rezistencë ndërsa ulim kostot, përmirësojmë performancën dhe shfrytëzojmë aftësitë tona të veçanta,”- tha kompania.
Bridgewater shkurton rreth 90 punonjës
(Bridgewater Associates)
Bridgewater Associates largoi 7% të stafit në janar në një përpjekje për të mbajtur strukturën kompakte, tha një burim i njohur me situatën për Business Insider.
Shkurtimet në fondin më të madh të hedge-ve në botë e kthejnë numrin e punonjësve në nivelin që ishte në 2023, sipas të njëjtit burim.
Themeltari i kompanisë, Ray Dalio, kishte deklaruar në një intervistë në 2019 se rreth 30% e punonjësve të rinj largoheshin nga firma brenda 18 muajve.
Bumble njofton se ka ndërmend të shkurtrojë 30% të fuqisë punëtore
Themeluesja dhe CEO e Bumble, Whitney Wolfe, merr pjesë në “Bumble Presents: Empowering Connections” në Fair Market më 9 mars 2018, në Austin, Texas.(Foto: Vivien Killilea/Getty Images për Bumble)
Në një dokument të depozituar më 23 qershor, Bumble tha se planifikon të largojë 240 pozicione, që përbën rreth 30% të stafit të saj. Kompania e aplikacionit të takimeve njoftoi se këto shkurtime do të sjellin shpenzime midis 13 dhe 18 milion dollarësh në tremujorin e tretë dhe të katërt.
“Së fundmi morëm disa vendime të vështira për të përshtatur strukturën e ekipit tonë për t’u përputhur me prioritetet tona strategjike,” tha një zëdhënës i Bumble.
Ai i tha Business Insiderit se vendimi për të larguar mbi 200 punonjës nuk u mor “lehtësisht.”
Bumble njofton se ka ndërmend të shkurtojë 30% të fuqisë punëtore
Burberry pësoi një humbje vjetore për vitin 2024. (Foto: Pietro Recchia/SOPA Images/LightRocket/Getty Images)
Burberry njoftoi në maj se do të largojë 1,700 punonjës, ose rreth 18% të fuqisë punëtore globale, si pjesë e planit për të ulur kostot me rreth £100 milion (rreth $130 milion) deri në vitin 2027.
Kompania planifikon të ndalojë turnet e natës në fabrikën e saj të palltove të shiut në Yorkshire, për shkak të mbipopullimit të prodhimit.
Kompania britanike shënoi një humbje operative prej £3 milion për vitin që përfundoi në mars, krahasuar me një fitim prej £418 milion në 12 muajt e mëparshëm.
Chevron po redukton deri në 20% të fuqisë punëtore globale
Chevron po planifikon shkurtime globale. (Foto: PATRICK T. FALLON/AFP përmes Getty Images)
Gjigandi i naftës, Chevron, planifikon të largojë 15% deri 20% të fuqisë punëtore globale deri në fund të vitit 2026, tha kompania në një deklaratë për Business Insider në shkurt.
Në dhjetor 2023, Chevron kishte 45,600 punonjës, që do të thotë se shkurtimeve mund t’u nënshtrohen rreth 9,000 vende pune.
Kjo lëvizje synon të ulë kostot dhe të thjeshtojë biznesin e kompanisë, ndërsa përfundon blerjen e prodhuesit të naftës Hess, e cila është e pezulluar për arsye ligjore. Chevron pret të kursejë 2 deri 3 miliard dollarë deri në fund të 2026.
“Chevron po ndërmerr veprime për të thjeshtuar strukturën organizative, për të ekzekutuar më shpejt dhe më efektivisht, dhe për të pozicionuar kompaninë për një konkurrueshmëri më të fortë afatgjatë,” tha një zëdhënës i Chevron.
Shkurtimet vijnë pas një serie të ngjashme shkurtimesh në kompani të tjera të naftës dhe gazit, përfshirë BP dhe prodhuesin e gazit natyror EQT.
CNN planifikon të shkurtrojë 200 vende pune
CNN po shkurton stafin në një përpjekje për të fokusuar biznesin tek shërbimet e saj t lajmeve digjitale. (Foto: Brandon Bell/Getty Images)
Gjigandi kabllor i lajmeve CNN, largoi rreth 200 vende të fokusuara në televizion si pjesë e një ndryshimi drejt digjitalizimit. Shkurtimet përbënin rreth 6% të fuqisë punëtore të kompanisë.
Në një njoftim të dërguar stafit më 23 janar, CEO i CNN, Mark Thompson, tha se synonte të “lëvizte gravitetin e CNN drejt platformave dhe produkteve ku audienca po zhvendoset, dhe duke bërë këtë, të sigurojë të ardhmen e CNN si një nga organizatat më të mëdha të lajmeve në botë.”
ConocoPhillips po shkurton deri në 25% të fuqisë punëtore
ConocoPhillips po shkurton deri në 2,950 vende pune. (Foto: Reuters)
“Prodhuesi i tretë më i madh i naftës në SHBA, ConocoPhillips, planifikon të largojë 20-25% të fuqisë punëtore globale si pjesë e një ristrukturimi të gjerë”, -tha një zëdhënës i kompanisë në një deklaratë të dërguar me email për Reuters më 3 shtator.
Kompania kishte rreth 11,800 punonjës në fund të vitit 2024, sipas një dokumenti rregullator, që do të thotë se mund të preken deri në 2,950 vende pune.
Aksionet e ConocoPhillips ranë 4.4% të mërkurën.
Gjigantë të tjerë të naftës, përfshirë Chevron dhe BP, gjithashtu kanë bërë shkurtime këtë vit për shkak të rënies së çmimeve të naftës.
Coty po shkurton rreth 700 vende pune
Coty është një gjigant i parfumeve dhe kozmetikës. (Ilustrim nga Avishek Das/SOPA Images/LightRocket përmes Getty Images)
Coty, e cila shet kozmetikë dhe parfume nën marka si Kylie Cosmetics, Calvin Klein dhe Burberry, po largon rreth 700 punonjës.
Kompania njoftoi më 24 prill se synonte të ulë kostot me 130 milion dollarë në vit. CEO-ja, Sue Nabi, tha se synimi është të ndërtojë një “Coty më të fortë dhe më rezistente, e pozicionuar mirë për rritje të qëndrueshme.”
CrowdStrike po shkurton rreth 500 vende pune
Rreth 5% e forcës punëtore globale të CrowdStrike do të shkurtohet. (Foto: Jonathan Raa/NurPhoto/Getty Images)
CrowdStrike, kompania e sigurisë kibernetike me seli në Texas, po largon rreth 500 punonjës, ose 5% të fuqisë punëtore globale, si pjesë e një plani strategjik për të “gjeneruar efikasitet më të madh.”
Shkurtimet pritet të kushtojnë midis 36 dhe 53 milion dollarë.
CrowdStrike synon të arrijë 10 miliard dollarë të ardhura vjetore të përsëritura.
Kompania raportoi rezultate vjetore më keq se sa pritej në mars, duke sinjalizuar se ende nuk ishte rikuperuar plotësisht nga një ndalim i gjerë teknologjik i lidhur me CrowdStrike në korrik 2024.
Disney njofton se po largon disa qindra punonjës
Shkurtimet në Disney pritej të prekni rolet në marketing për filma dhe televizion. (Foto: Jakub Porzycki/NurPhoto përmes Getty Images)
Disney konfirmoi për Business Insider më 2 qershor se po largonte disa qindra punonjës.
Shumica e shkurtimeve preknin punëmarrësit në marketing për filma dhe TV nën divizionin Disney Entertainment. Ndryshimi përfshiu punonjës në publicitet, casting, zhvillim, si dhe në financat korporative.
Në mars, kompania gjithashtu largoi rreth 200 punonjës nga ABC News Group dhe Disney Entertainment Networks. Në vitin 2024, Disney kishte pasur gjithashtu disa raste të tjera shkurtimesh.
Pak pasi Bob Igero u kthye në kompaninë si CEO në 2022, ai kishte njoftuar se 7,000 vende pune në Disney do të shkurtoheshin si pjesë e një riorganizimi.
Estée Lauder do largojë 7000 punonjës
Gjiganti i kozmetikës Estée Lauder tha në publikimin e rezultateve të tremujorit të dytë, më 4 shkurt, se do të shkurtojë mes 5,800 dhe 7,000 vende pune, ndërsa kompania do të ristrukturohet gjatë dy viteve të ardhshme.
Shkurtimet do të fokusohen në “përshtatjen” e disa ekipeve, ndërsa kompania do të kërkojë të eleminojë disa shërbime. Ajo thotë se pret përfitime bruto vjetore nga 0.8 deri në 1.0 miliard dollarë.
Berkshire Hathaway, kompania mëmë e Geico, tha se kompania e sigurimeve ka shkurtuar rreth 30,000 punonjës. (Geico)
Ajit Jain, Zv/Kryetar i Operacioneve të Sigurimeve në Berkshire Hathaway, tha se Geico ka reduktuar fuqinë punëtore nga rreth 50,000 në rreth 20,000 punonjës.
Jain zbuloi këto shkurtime gjatë mbledhjes vjetore të Berkshire Hathaway më 3 maj, por nuk specifikoi se mbi çfarë periudhe u realizuan ato. Berkshire Hathaway është një nga kompanitë mëmë të Geico.
Kompania e Warren Buffett raportoi fitimet e tremujorit të parë të 2025 gjatë kësaj mbledhjeje, duke njoftuar se Geico realizoi gati $2.2 miliardë fitim para taksave nga aktivitetet e sigurimeve.
GrubHub njofton 500 shkurtime pune
GrubHub tha se po fokusohet në përshtatjen e biznesit të tij me Wonder, pasi marrja nën kontroll u përfundua në janar. (Foto: Andrew Kelly/REUTERS)
HPE po largon 2,500 punonjës
HPE po shkurton 5% të forcës së saj punëtore për të ulur kostot. (Foto: PAU BARRENA / AFP)
“Hewlett Packard Enterprise (HPE) po redukton 2,500 vende pune, ose 5% të stafit të saj”, -tha CEO Antonio Neri gjatë raportimit të fitimeve më 6 mars. Shkurtimet pritet të realizohen gjatë 18 muajve të ardhshëm.
“Ky veprim do të përputhet më mirë me strukturën tonë të kostove, miksin e biznesit dhe strategjinë afatgjatë,”- tha Neri. Kompania pret të kursejë $350 milion deri në vitin 2027 si pasojë e kësaj reduktimi.
Aksionet e HPE ranë rreth 20% pas orarit të tregut më 6 mars, pasi kompania njoftoi se biznesi do të ndikojë nga tarifat e fundit, shitjet e ngadalta të serverave dhe cloud, si dhe nga “probleme ekzekutimi.”
Intel do të shkurtojë të paktën 15% të punonjësve të fabrikave
Intel po shkurton më shumë se 5,000 punonjës në SHBA. (Foto: Bloomberg/Bloomberg përmes Getty Images)
Shumica e shkurtimeve do ndodhin në California dhe Oregon, ndërsa të tjera janë në Texas dhe Arizona, sipas versioneve të përditësuara të dokumenteve WARN (Worker Adjustment and Retraining Notification).
“Intel nisi largimin e punonjësve në korrik si pjesë e shkurtimeve të planifikuara”,- tha kompania në një dokument.
Në një lajm të raportuar nga The Oregonian, kompania i tha stafit më 14 qershor të prisnin që 15% deri 20% e punonjësve në divizonin Foundry të largoheshin këtë verë. Intel konfirmoi autenticitetin e njoftimit për Business Insider, por nuk komentoi për përmbajtjen e tij. Në dhjetor 2024, Intel kishte rreth 108,900 punonjës. Në raportin vjetor, kompania i tha investitorëve se do të reduktojë “fuqinë punëtore bazë të Intel” me rreth 15% në fillim të vitit 2025. Një zëdhënës i Intel tha për BI: “Heqja e kompleksitetit organizativ dhe fuqizimi i inxhinierëve tanë do të na mundësojë të shërbejmë më mirë për nevojat e klientëve dhe të forcojmë ekzekutimin tonë.”
Universiteti Johns Hopkins
Johns Hopkins po përballet me shkurtimin më të madh të vendeve të punës në historinë e universitetit, sipas një zëdhënësi. (Foto: Mirësjellje e Johns Hopkins Medicine)
Johns Hopkins University do të largojë mbi 2,000 punonjës pas humbjes së $800 milionë fondeve nga USAID.
“Kjo është një ditë e vështirë për të gjithë komunitetin tonë,”- tha një zëdhënës për Business Insider. “Përfundimi i më shumë se $800 milionë fondeve nga USAID po na detyron të ndalojmë punën kritike këtu në Baltimore dhe ndërkombëtarisht.”
Lajmi vjen pasi administrata Trumpit uli numrin e personelit të USAID nga mbi 10,000 në rreth 300. Sekretari i Shtetit, Marco Rubio, konfirmoi së fundmi se 83% e programeve të agjencisë janë ndërprerë.
“Ne mund të konfirmojmë se eliminimi i fondeve të ndihmës së huaj ka çuar në humbjen e 1,975 pozicioneve në 44 vende ndërkombëtare dhe 247 në Shtetet e Bashkuara në programet e prekur,”- tha zëdhënësi i Johns Hopkins. “Një numër shtesë prej 29 punonjësish ndërkombëtarë dhe 78 punonjësish vendas do të jenë me orar të reduktuar.”
Shkurtimet në Johns Hopkins përfaqësojnë “shkurtimet më të mëdha” në historinë e universitetit, raporton CNN. Ato do të prekin kryesisht shkollat e mjekësisë dhe shëndetit publik, së bashku me Center for Communication Programs dhe Jhpiego, një organizatë jofitimprurëse e fokusuar në parandalimin e sëmundjeve dhe përmirësimin e shëndetit të grave.
Kohl’s po redukton rreth 10% të stafit
Dyqani Kohl’s njoftoi më 28 janar se kishte reduktuar rreth 10% të roleve të korporatës për të “rritur efikasitetin” dhe “përmirësuar fitimprurësinë për shëndetin dhe përfitimin afatgjatë të biznesit,” tha një zëdhënëse për Business Insider.
“Kohl’s reduktoi rreth 10% të roleve që raportojnë në zyrat korporative,” shtoi ajo. “Më shumë se gjysma e reduktimeve do të vijë nga mbyllja e pozicioneve të hapura, ndërsa pjesa tjetër e pozicioneve aktualisht mbahej nga punonjësit tanë.”
Më pak se 200 punonjës ekzistues të kompanisë do të preken nga kjo masë.
Kjo ndodh pas njoftimit të kompanisë më 9 janar se do të mbyllë 27 dyqane të dobëta në 15 shtete deri në prill.
Ritaileri ka hasur vështirësi me uljen e shitjeve, duke raportuar një rënie prej 8.8% në shitjet neto në tremujorin e tretë të 2024.
CEO i mëparshëm, Tom Kingsbury, dha dorëheqjen më 15 janar, dhe bordi i kompanisë emëroi Ashley Buchanan, një veteran i retailit me përvojë në The Michaels Companies, Macy’s dhe Walmart, si CEO i ri.
Kroger po shkurton 1,000 punonjës korporativë
“Co. po largon afërsisht 1,000 vende pune korporative si pjesë e një përpjekjeje për ulje kostosh, pas dështimit të bashkimit të propozuar me Albertsons”, -tha një zëdhënës për Business Insider.
Në një njoftim të brendshëm të parë nga Business Insider, CEO i përkohshëm Ron Sargent u tha punonjësve më 26 gusht se “vendime të menduara, por të vështira, janë të nevojshme” që organizata të vazhdojë të ketë sukses.
Rrjeti i supermarketit gjithashtu planifikon të riinvestojë kursimet në uljen e çmimeve, hapjen e dyqaneve të reja, dhe krijimin e vendeve të punës në nivel dyqanesh.
Ky riorganizim ndodh ndërsa Kroger po përballet me ndryshime në drejtim pas dorëheqjes së ish-CEO-s Rodney McMullen më herët këtë vit, gjatë një hetimi nga bordi mbi sjelljen e tij.
Në shkurt, Kroger kishte më shumë se 409,000 punonjës, kryesisht në role të shitjes me pakicë. Shkurtimi nuk do të ndikojë në punonjësit e dyqaneve, fabrikave apo qendrave të shpërndarjes.
Microsoft ka kryer disa shkurtime gjatë këtij viti
Microsoft konfirmoi se ishin planifikuar shkurtime të vendeve të punës. (Foto: NurPhoto/Getty Images)
Microsoft shkarkoi një numër të paspecifikuar punonjësish në janar bazuar në performancën e tyre. Punonjësve u tha se nuk do të marrin shpërblim largimi dhe se përfitimet e tyre, përfshirë edhe sigurimi mjekësor, do të ndalen menjëherë, raportoi Business Insider.
Kompania gjithashtu largoi disa punonjës në janar në divizione përfshirë gaming dhe shitje, por një zëdhënës i Microsoft nuk dha numrin e saktë të personave të prekur.
Në maj, kompania njoftoi shkurtime që prekin rreth 6,000 punonjës.
Një tjetër raund shkurtimesh në korrik do të prekë më pak se 4% të fuqisë punëtore totale, ose rreth 9,000 punonjës, bazuar në numrin total të punonjësve që është rreth 220,000.
Meta po shkurton 5% të fuqisë punëtore
CEO i Meta, Mark Zuckerberg, i tha punonjësve se kompania po synon “punonjësit me performancë të ulët.” (Foto: Fabrice COFFRINI/AFP/Getty Images)
CEO i Meta-s, Mark Zuckerberg, i tha stafit se “vendosi të rrisë standardin në menaxhimin e performancës” dhe do të veprojë shpejt për të “larguar punonjësit me performancë të ulët,” sipas një rregulloreje të brendshme të vëzhguar nga Business Insider në janar.
Shkurtimet nisën në shkurt, sipas dokumenteve të siguruara nga BI. Ekipet që mbikëqyrin Facebook, platformën e realitetit virtual Horizon, si dhe logjistikën, ishin ndër më të prekurat.
Në prill, Meta gjithashtu largoi një numër të paqartë punonjësish në divisjonin Reality Labs të realitetit virtual.
Më parë, kompania kishte shkarkuar më shumë se 21,000 punonjës që nga viti 2022.
Microchip Technology po shkurton 2,000 vende pune
“Microchip Technology po redukton fuqinë punëtore me rreth 2,000 punonjës”,- tha kompania e gjysmëpërçuesve më 3 mars.
Kompania vlerësoi se shkurtime do të shkaktonin shpenzime midis $30 milion dhe $40 milion, përfshirë shpërblime largimi, përfitime dhe kosto të tjera të ristrukturimit.
Shkurtimet do t’u komunikohet punonjësve gjatë tremujorit të marsit dhe do të përfundojnë plotësisht deri në fund të tremujorit të qershorit.
Vitin e kaluar, Microchip kishte njoftuar se do të mbyllë fabrikën e saj në Tempe, Arizona, për shkak të porosive më të ngadalta se sa pritej. Mbyllja fillon në maj 2025 dhe pritet të prekë 500 vende pune.
Aksionet e Microchip ranë mbi 33% gjatë vitit të kaluar.
Morgan Stanley planifikon shkurtime në fund të marsit
Morgan Stanley po planifikon rreth 2,000 shkurtime vendesh pune për më vonë në mars. (Foto: Michael M. Santiago/Getty Images)
Morgan Stanley do të nisë një raund shkurtimesh në fund të marsit, duke synuar të largojë rreth 2% deri 3% të fuqisë punëtore globale, që përkthehet në 1,600 deri 2,400 vende pune.
Shkurtimet drejtohen nga disa faktorë, përfshirë efikasitetin operacional, prioritetet në zhvillim të biznesit, dhe performancën individuale të punonjësve. Personi theksoi se këto shkurtime nuk lidhen me kushtet më të gjera të tregut, si ngadalësimi i fundit në blerje që ka ndaluar ritmin në Wall Street.
Disa punonjës të Morgan Stanley nuk do të preken nga shkurtimet, kryesisht konsulentët financiarë, megjithatë disa nga ata që i mbështesin, si personeli administrativ në njësinë e menaxhimit të pasurisë, mund të preken.
Nextdoor po shkurton 12% të stafit
Nextdoor po shkurton 67 vende pune për shkak të një riorganizimi. (Foto: Eric Baradat/AFP/Getty Images)
Kompania e rrjetëzimit social për komunitetet, Nextdoor, po largon 12% të stafit, ose 67 vende pune, njoftoi më 7 gusht në raportin e fitimeve për tremujorin e dytë.
Kjo masë është pjesë e planit të CEO-së Nirav Tolia për të arritur fitime dhe për të riorganizuar kompaninë në vështirësi.
Shkurtimet pritet të ulë shpenzimet operative me rreth $30 milion, sipas raportit të fitimeve.
Kompania raportoi një humbje neto prej $15 milion, krahasuar me $43 milion në të njëjtën periudhë të vitit të kaluar.
Nike planifikon të shkurtojë më pak se 1% të punonjësve të korporatës
Nike pritet të shkurtojë më pak se 1% të punonjësve këtë vjeshtë. (Foto: Peter Dazeley/Getty Images)
Plani i Nike për rikthim është në zhvillim të plotë. Kompania po redukon stafit e saj korporativ me rreth 1%, si pjesë e përpjekjeve për riorganizim, konfirmoi kompania për Business Insider më 28 gusht.
Nuk është e qartë se sa vende pune do të preken, por CNBC raportoi se Nike i dërgoi punonjësve një njoftim për ndryshimin në gusht.
“Sipas asaj që ndamë në raportin e fitimeve për tremujorin e katërt, Nike, Inc. është në mes të një riorganizimi,” tha kompania në një deklaratë. “Veprimet që po ndërmarrim kanë për qëllim të na vendosin në pozicion për të fituar dhe krijuar kapitullin e ardhshëm të madh për Nike.”
Nike gjithashtu tha në qershor, kur raportoi fitimet për tremujorin e katërt fiskal, se do të “vlerësojë uljen e kostove korporative sipas nevojës.”
CEO Elliott Hill gjithashtu i tha analistëve se kompania do të riorganizojë ekipet ndërsa largohet nga struktura e ndarjes për meshkuj, femra dhe fëmijë.
Nike gjithashtu bëri shkurtime në vitin 2024 si pjesë e masave më të gjera për uljen e kostove.
Nissan njofton se do të shkurtojë 20,000 vende pune deri në 2027
Nissan është goditur rëndë nga tarifat amerikane mbi automjetet e importuara. (Foto: Matthias Balk/picture alliance përmes Getty Images)
Gjiganti japonez i automobilave, Nissan, do të largojë 20,000 punonjës deri në vitin 2027 dhe do të reduktojë numrin e fabrikave nga 17 në 10, ndërsa përballet me një situatë të vështirë financiare.
Shkurtimet përfshijnë 9,000 vendet e punës të njoftuara në fund të vitit të kaluar, dhe vijnë ndërsa kompania përballet me sfida nga tarifat amerikane mbi automjetet e importuara dhe shitjet në rënie në Kinë.
Nissan raportoi një humbje neto prej 671 miliardë yen (~$4.5 miliard) për vitin financiar 2024 dhe tha se nuk do të publikojë parashikim për fitimin operativ në 2025 për shkak të pasigurisë nga tarifat.
Oracle raportohet se po shkurton vende pune në divizionin e cloud
Zyra e Oracle në Santa Monica, Kaliforni. (Foto: Richard Vogel/AP)
Oracle po largon punonjës në divizionin e saj të cloud, raportoi Bloomberg.
Shkurtimet vijnë ndërsa kompania përpiqet të ulë kostot përballë shpenzimeve në infrastrukturën e Inteligjencës Artificiale.
Burime të njohura me situatën i thanë Bloomberg se disa nga largimet lidhen me çështje performance.
Oracle nuk u përgjigj menjëherë ndaj kërkesës për koment nga Business Insider.
Panasonic po shkurton 10,000 vende pune
Prodhuesi japonez multinacional i elektronikës, Panasonic, po shkurton 10,000 vende pune në një përpjekje për të rritur efikasitetin. (Foto: REUTERS/Thomas Peter)
Panasonic, prodhuesi japonez i elektronikës, planifikon të largojë 10,000 punonjës gjatë këtij viti financiar, që përfundon në mars 2026. Shkurtimet do të prekin 5,000 veta në Japoni dhe 5,000 jashtë vendit.
Në një deklaratë më 9 maj, kompania tha se synon të “rishikojë me kujdes efikasitetin operativ… kryesisht në departamentet e shitjes dhe ato indirekte, dhe të rishikojë numrin e organizatave dhe personelit që është realisht i nevojshëm.”
“Përmes këtyre masave, kompania do të optimizojë personelin në një shkallë globale,” shtohet në deklaratë.
Paramount po shkurton 3.5% të fuqisë punëtore në SHBA
Paramount u tha punonjësve se do të largojë 3.5% të stafit të bazuar në SHBA, sipas një memoje të raportuar nga CNBC më 10 qershor, duke cituar rëniet në industrinë e medias dhe një mjedis makroekonomik sfidues.
Ky veprim vjen pasi kompania kishte shkurtuar 15% të vendeve të punës vitin e kaluar për të ulur kostot. Në fund të 2024, Paramount kishte 18,600 punonjës.
Kompania po pret miratimin rregullator për bashkimin me Skydance Media.
Peloton po kërkon kursime prej $100 milion deri vitin e ardhshëm
Peloton njoftoi në raportin e fitimeve të gushtit se do të shkurtrojë fuqinë punëtore globale për të gjetur $100 milion kursime operative deri në fund të vitit fiskal të ardhshëm. Kompania ka 2,900 punonjës dhe rreth 6% e stafit do të preket, raportoi Reuters.
Porsche po shkurton 3,900 vende pune
Foto: Benjamin Zhang/Business Insider
Porsche njoftoi më 12 mars se planifikon të largojë 3,900 punonjës në vitet e ardhshme. Rreth 2,000 vende pune do të përfundojnë me skadimin e kontratave me kohë të caktuar, ndërsa 1,900 vendet e tjera do të merren deri në 2029 përmes kufizimit të rekrutimeve.
PwC po largon rreth 2% të stafit në SHBA
Kompania e kontabilitetit Big Four do të shkurtrojë rreth 1,500 vende pune në SHBA për shkak të nivelit të ulët të veprimeve. Shkurtimet prekin kryesisht auditimin dhe taksat dhe nisën më 5 maj.
Salesforce po shkurton mbi 1,000 vende pune
Salesforce, kompania e softuerit cloud për menaxhimin e klientëve, do të largojë më shumë se 1,000 punonjës nga 73,000 punonjësit e saj. Punonjësit e prekur mund të aplikojnë për role të brendshme të hapura. Salesforce nuk iu përgjigj pyetjeve të mediave për informacione.
Starbucks po shkurton 1,100 punonjës korporativë
Foto: ANGELA WEISS / AFP via Getty Images
Starbucks njoftoi më 25 shkurt se do të shkarkojë 1,100 punonjës korporativë për të rritur efikasitetin, përgjegjësinë dhe integrimin. Shkurtimet nuk prekin stafin e dyqaneve.
The Washington Post shkurton 4% të stafit joredaksional
The Washington Post largoi më pak se 100 punonjës për të ulur kostot, pa prekur redaksinë. “The Washington Post po vazhdon transformimin e tij për t’iu përgjigjur nevojave të industrisë, për të ndërtuar një të ardhme më të qëndrueshme dhe për të arritur audiencat aty ku ndodhen.”-thonë përfaqësuesit.
Workday shkurton mbi 8% të stafit
Workday, kompania e softuerit për burimet njerëzore, po largon 8.5% të stafit, rreth 1,750 punonjës, ndërsa fokusohet më shumë tek Inteligjenca Artificiale. Punonjësit e prekur do të marrin së paku 12 javë pagë.
Ky shkrim është pronësi intelektuale e “Business insider”, përkthyer e përshtatur nga “Gogo.al”
