Drafti i IBAR-it i BE-së ka kaluar sot në grupin e punës COELA. Dosja pritet të kalojë nesër për miratim në nivelin e ambasadorëve të vendeve anëtare në COREPER. Në krahasim me dokumentin e muajit shkurt është ashpërsuara gjuha lidhur me nivelet e korrupsionit dhe sulmet e përsëritura ndaj SPAK-ut. Me piketat e reja disa vende të BE-së kanë vënë kushte të forta për avancimin drejt BE-së.
Në ndryshimet e vërejtura SPAK, pakicat, gazetarët dhe qeverisja vendore konsiderohen nën presion. Sulmet janë konsideruar si të rritura e shqetësuese deri në nivele të larta. Theksi është vënë edhe në ndërhyrjet që i janë bërë SPAK-ut nga parlamenti. Të tjera pika të evidentuara janë veçuar: ndërhyrja parlamentare në hetimet e vazhdueshme të SPAK, pajtueshmëria me Gjykatën Kushtetuese dhe standardet e imunitetit të Komisionit të Venecias, abuzimet me pronën të lidhura me zonat e pakicave dhe zonat bregdetare, integriteti i policisë dhe në fund autonomia e qeverisjes vendore.
Raporti i ri IBAR
Korrupsioni u paraqit nga ‘serioz’ në rritje, ‘thelbësor’. Për herë të parë janë paraqitur si problematikë edhe rrjetet e patronazhimit. Ndërsa shtetet anëtare kanë punuar për forcimin e e shtetit të se drejtës, korrupsioni në Shqipëri vijon të mbajë peng proceset integruese. Analiza identifikon 32 ndryshime thelbësore në 11 fusha tematike. Raporti I ri është më specifik në kërkesat e tij. Speficikisht kërkohet mbrojtje dhe pavarësi për institucionet e drejtësisë.
