Nga Klodian Tomorri
Veliaj në burg. Gjykata e lë në burg, por pastaj thotë që është kryetar. Veliaj shkarkon atë që i delegoi firmën dhe nuk i ha shuli hiç të emërojë tjetër. Pashai heq duart nga gjithë ky m*t dhe thotë Veliaj është kryetari legjitim, s’ka punë qeveria. Kjo është pengmarrje e një qyteti të tërë. Njësoj si ata që merrnin peng njerëzit tek AKSHI, por me një ndryshim të madh. Ata të AKSHI-t, 2-3 veta morën peng. Këta kanë marrë 1 milionë njerëz peng dhe nuk u kërcet hiç. Po hiç fare. Supozoni një moment që Veliaj nuk e delegon firmën tek askush. Dhe kështu ka për të ndodhur se ai me këtë punë do i bëjë presion gjykatës dhe SPAK-ut për të dalë jashtë.
Kush do t’i firmosë rrogat, ndihmën ekonomike të hallexhinjve etj, etj? Por ja supozojmë se do e gjejnë një zgjidhje për rrogat dhe asistencën. Por qindra dokumentet e tjera që duhen me firmën e kryetarit kush do t’i firmosë? Prandaj bota e ka zgjidhur këtë punë. Sa merret i pandehur një zyrtar, lëshon letrën e dorëheqjes në tavolinë dhe shkon në punë të vet. Kurse këta djegin vendin për të shpëtuar të ndenjurat e tyre. Ku e gjejnë kaq guxim ta dhunojnë këtë milet kështu? Të fortë janë.
