Në ditën e 27-të të protestave, Lëvizja Qytetare u është drejtuar me një letër zyrtare ambasadorëve dhe shefave të misioneve të vendeve perëndimore të akredituar në Republikën e Shqipërisë. Ata kanë njohur diplomatët me kërkesat që i kanë bërë publike në foltore.
1-Dorëheqja e Edi Ramës. Kërkesa e parë dhe panegociueshme.
2- Pika e dytë është krjimi i qeverisë tranzitore teknokrate dhe jopartiake si kusht thelbësor. Sipas grupit firmëtar kjo qeveri duhet të ketë një mandat 12-mujor me qëllimin e vetëm, ecurinë e reformave.
3- Pika e tretë, reforma kushtetuese gjithëpërfshirëse. Ajo është bazuar në parimin e barazisë së plotë të të gjithë qytetarëve. Mes të tjerash propozohet edhe kufizimi i mandateve për postin e kryeministrit, në jo më shumë se dy mandate.
4- Korrigjime të menjëhershme legjislative, shfuqizim i ndryshimeve të bëra në Ligjin për Zonat e Mbrojtura dhe në Ligjin për Trashëgiminë Kulturore, anulimi i plotë i paketës ligjore të njohur si “Paketa e Maleve”, si dhe shfuqizimi i kuadrit ligjor që rregullon aktualisht Investimet Strategjike.
5- Hartimi i një kontrate të re sociale midis qytetarëve dhe shtetit përmes konsultimeve të gjera me intelektualë të pavarur, ekspertë teknikë dhe përfaqësues jopartiakë të shoqërisë civile.
