Një incident ka ndodhur në natën finale të Eurovisionit. Gazetari Albert Limani po festonte me flamujt e Shqipërisë e Kosovës, ndërsa një grua serbe ka tentuar t’ia largojë flamurin e Kosovës. “Ky flamur nuk lejohet këtu!”, mësohet t’i ketë thënë ajo.
Ai shkruan se gruaja tentoi të prekte flamurin që ai mnate në dorë. Limani nuk e ka lejuar dhe ajo është larguar menjëherë. Në postimin e bërë në rrjet sociale ai shkruan se do e mbrojë flamurin me çdo kusht.“Derisa po festonim bashkë me kolegë të tjerë paraqitjen e Shqipërisë në Eurovision, në Qendrën e Mediave në Vjenë, një grua nga delegacioni i Serbisë erdhi dhe tentoi të na e heqë flamurin e Kosovës, duke na thënë se “ky flamur nuk lejohet këtu”. Sigurisht, ajo tentoi ta prekë, por nuk e lejova dhe u kthye mbrapsht. Flamuri i Kosovës do të valojë dhe do të lejohet gjithkund, ndërsa ne do ta mbrojmë me çdo kusht”, –shkruan Limani.
Festivali i Eurovisionit është fituar nga Bullgaria. Këngëtarja Dara mori trofeun me këngën “Banagaranga”. Ajo siguroi 516 pikë. Në ventin e dytë u rendit Izraeli u rendit me 343 pikë. Shqipëria siguroi vendit 13-të me 145 pikë. Kënga ‘Nan” e Alis mori 85 pikë nga publiku. Kënga jonë u mbështet më shumë nga Portugalia dhe Mali i Zi. Vendi që na dha vetëm 1 pikë, ishte Greqia.
