Në artikullin e shkruar nga Habjon Hasani për “Hashtag.al”, analizohet gjendja e sistemit të drejtësisë sot në Shqipëri, nëpërmjet rrëfimit të historisë midis Ndini Tavanit dhe Gerd Hoxhës.
Duket sikur ky episod i Ndini Tavanit në vigjilje të karrierës së tij në magjistraturë, ishte si një lloj nishani për telashet burokratike që do e shoqëronin Ndini Tavanin dhe në dekadat e ardhshme. Së fundmi, Ndini Tavani është bërë objekt i një debati të mprehtë juridik me SPAK-un dhe KLP-në, debat që nëse e gërrmon pak në brendi, nuk përmban thjesht fatin e karrierës së Ndini Tavanit, pasi në fakt rasti i tij vë në pikëpyetje gjithë sigurinë juridike të sistemit në tërësi.
Ndonëse KLP-ja presupozohet një instancë eprore në hierarkinë e prokurorëve, një kleçkë e çuditshme qëndron si kërcënim ndaj integritetit të saj. KLP-ja kur bën përzgjedhjen konsultohet dhe me një komision shtojcë i quajtur Komisioni i Verifikimit të Figurës (KVF). Ky komision përbëhet dhe drejtohet kryesisht nga persona të zgjedhur nga shefi i SPAK-ut. Pra është dhe SPAK-u që cakton profilin e kandidatëve që duan të bëhen prokurorë të SPAK-ut dhe jo vetëm KLP-ja.
Për më shumë lexoni artikullin “Hashtag.al”
