Kjo është puna e parë shkencore e Gogo.al me mbështetjen e jashtëzakonshme të Autoritetit të Mediave Audiovizive dhe znj.Armela Krasniqi.
Një studim për efektet e televizionit në shëndetin mendor të audiencave dhe rolin në mbrojtjen e tyre, jemi krenarë si ekip që punuam me një metodologji të përzier, ku metodat mikse përfshinë: pyetësorin te audiencat në gjithë Shqipërinë, monitorimin e përmbajtjeve mediatike për muaj me radhë dhe intervistat me ekspertët e mediave, komunikimit, psikologjisë e sociologjisë.
Disa përfundime që dalin nga të dhënat me metoda shkencore që mund t’i shërbejnë industrisë televizive në Shqipëri, studiuesve, shkollave dhe prindërve në mbarë Shqipërinë.
Dëshirojmë të falenderojmë shkollat dhe drejtuesit e tyre që na hapën dyert për të diskutuar me të rinjtë televizionin dhe teknologjinë në efektet që krijon në jetën tonë: “Ptoleme Xhuvani”, Ebasan, “Turgut Ozal”, Tiranë, “Ibrahim Rugova”, Kamëz, “Aleksandër Moisiu”, Kavajë, “Leonik Tomeo”, Durrës, Qendra rinore “Epoka e Re”, Fier.
