Shqipëria renditet ndër vendet me normat më të ulëta të fertilitetit në Europë. Akoma më shumë qarku i Vlorës. Sipas Eurostat, Vlora është në mesin e 9 rajoneve të vogla (në rang qarku, NUTS 3) në Europë me normën më të ulët të lindshmërisë për grua (numri i lindjeve për gratë në moshë riprodhimi). Këto janë të dhëna që i përkasin vitit 2022.
Fertiliteti në Vlorë është më pak se 1 fëmijë për grua i shënjuar në hartën bashkëngjitur me ngjyrë të njëjtë me 4 rajone të Spanjës veriperëndimore, tre rajone të ishullit të Sardenjës dhe një rajoni grek. Pesëshja Itali, Spanjë, Poloni, Shqipëri dhe Greqi kanë nivelet më të ulëta të lindshmërisë, ndërsa Franca është shteti Europian me normat më të larta të fertilitetit.
Për më shumë lexo këtu artikullin e Monitor.al
