Kreu i Komunitetit Mysliman të Shqipërisë Bujar Spahiu do mungojë në përurimin e parashikuar për këtë të enjtje të xhamisë së re të Namazgjasë, e ndërtuar me kontributin e qeverisë turke. I pranishëm përveç presidentit turk Erdogan e kryeministrit Rama do jetë kreu i Mytinisë Tiranë Bilal Teqja, i cili sipas Myftinisë do jetë imami zyrtar i kësaj xhamie dhe kreu i një fondi të përbashkët shqiptaro-turk për administrimin e saj.
Ndërtimi i xhamisë së Namazgjasë ka nisur në vitin 2015 ndërsa hapja e saj është shtyrë në kohë mes përplasjes në distancë mes qeverisë turke të Erdogan dhe KMSH-së së drejtuar nga Spahiu, gjë që pasqyrohet edhe në mungesën e këtij të fundit në ceremoninë e nesërme. Erdogan i konsideron drejtuesit e KMSH-së si pjesë të “Lëvizjes Gylen”, të themeluar e drejtuar nga kleriku dikur bashkëpunëtor i ngushtë i Erdogan, Fethullah Gylen, i cili ndodhet në azil në SHBA.
Për më shumë, lexoni artikullin e shkruar nga “Hashtag.al”
