Mbledhja ku u diskutua leja e ndërtimit për një kullë 33 katëshe krah pedonales Murat Toptani u bë në dhjetor të 2023-shit, por vendimi është bërë publik vetëm pas 8 muajsh.
Citizens Channel shkruan se i është drejtuar Agjencisë së Zhvillimit të Territorit (AZHT) me një kërkesë për informim për të siguruar vendimet që u morën mbledhjen e 26 dhjetorit, por institucioni refuzoi t’i vinte në dispozicion edhe pas ndërhyrjes së Komisionerit për të drejtën e informimit.
Fillimisht për projektin në fjalë të kullës pas Teatrit Kombëtar, u tha se do të ishte 23 kate, por në vendimin zyrtar rezulton që kulla është me 33 kate. Pra i janë shtuar dhe 10 kate të tjera nga projekti fillestar.
Sipas dokumentit, kulla kufizohet në jug me pedonalen Murat Toptani, në veri me Sarajet e Toptanëve, në perëndim me Teatrin Kombëtar dhe në lindje me objekte shërbimesh. Kompania që do të ndëtojë kullën është “Fusha Sh.p.k.”.
Për më shumë lexo artikullin e plotë të Citizens Channel
