Ish-presidenti Donald Trump nuk është i vetmi president apo ish-president amerikan, që ka qenë shënjestër e një atentati.
Në historinë e politikës amerikane ka pasur atentate të shumta ndaj presidentëve, ish-presidentëve apo kandidatëve presidencialë.
Katër presidentë janë vrarë ndërsa ishin në detyrë, ata janë: Abraham Lincoln, James A. Garfield, William McKinley, dhe John F. Kennedy.
Abraham Lincoln, presidenti i 16-të
Abraham Lincoln ishte presidenti i parë që u vra, i cili u qëllua nga John Wilkes Booth më 14 prill 1865, ndërsa ai dhe gruaja e tij, Mary Todd Lincoln, po ndiqnin një shfaqje të komedisë “Kushëriri ynë amerikan” në teatrin Ford në Uashington.
JAMES GARFIELD, presidenti i 20-të
James Garfield ishte presidenti i dytë që u vra, gjashtë muaj pas marrjes së detyrës. Ai po ecte nëpër një stacion treni në Uashington më 2 korrik të vitit 1881, për të kapur një tren për në New England, kur u qëllua nga Charles Guiteau.
WILLIAM McKINLEY, presidenti i 25-të
William McKinley u qëllua pasi mbajti një fjalim në Buffalo të Nju Jorkut, me 6 shtator të vitit 1901. Ai po shtrëngonte duart me njerëzit kur një burrë e qëlloi dy herë në gjoks nga afërsia.
JOHN F. KENNEDY, presidenti i 35-të
John Kennedy u qëllua për vdekje teksa po vizitonte Dallasin në nëntor të vitit 1963 me zonjën e parë Jacqueline Kennedy. Të shtënat shpërthyen teksa autokolona e presidentit kaloi nëpër Dealey Plaza në qendër të Dallasit.
Të tjerë që kanë rënë pre e atentateve por kanë shpëtuar janë edhe Franklin D. Roosevelt Harry Truman, Gerald Ford, Ronald Reagan, George W. Bush.
Për më shumë lexoni artikullin e plotë tek Zëri i Amerikës
