Mes koalicionesh partiake para zgjedhjeve të 11 majit Arilnd Qori i cili drejton Lëvizjen “Bashkë” ka vendosur të konkurojë i vetëm në këto zgjedhje. Dorëzimi i listave nga partitë kryesore në vend është bërë në limit të kohës, partia e Arlind Qorit ka qenë ndryshe nga të tjerat duke e dorëzuar listen e saj gjashtë ditë para afatit të caktuar. Sipas Qorit Lëvizja “Bashkë” nuk është përpjekur të përfitojë nga spekulimet politike apo minutat e fundit për pazar, por ecën drejt aspiratave për një Shqipëri të drejtë dhe të jetueshme.
“Aq të pamësuara janë pjesa më e madhe e mediave me një parti që i dorëzon kandidaturat për deputetë gjashtë ditë përpara afatit, saqë një pjesë syresh vetëm sot kanë vendosur të publikojnë lajmin për kandidatët e Lëvizjes BASHKË. Ne nuk e shqyejmë njëri-tjetrin për t’u bërë deputet. As presim minutën e fundit për pazarin çudibërës. Ecim shpinëpapërkulur drejt aspiratave për një Shqipëri të jetueshme e me drejtësi.”– u shpreh Qori në një postim në “Facebook”.
Lista e Lëvizjes “Bashkë” vijon si më poshtë
Tiranë – Redi Muçi, inxhinier/pedagog.
Fier – Mirela Ruko, sociologe.
Durrës – Artan Kacani, arkitekt-urbanist.
Elbasan – Oltion Fociro, gjeo-informaticien/pedagog.
Shkodër – Gabriel Rakaj, inxhinier fizike.
Vlorë – Ilir Zoto, avokat.
Korçë – Petro Lubonja, menaxher.
Berat – Elio Shyti, programues IT.
Kukës – Alban Metallari, inxhinier/kërkues shkencor.
Lezhë – Emiljando Kita, politolog.
Dibër – Besian Kica, fermer.
Gjirokastër – Klevis Bedaj, programues IT.
Një tjetër parti e cila ka dorëzuar listat e saj pranë KQZ-së është edhe “Nisma Shqipëria Bëhet”, e udhëhequr nga Endri Shabani dhe Adriatik Lapaj. “Listat e mbyllura të Nismës Shqipëria Bëhet janë të përbëra nga prindërit dhe familjarë të kandidatëve si garanci për listat e hapura. Të gjithë anëtarët e kryesive të koalicionit tonë garojnë në listë të hapur, përfshirë dhe kryetarët. Lista e hapur do të thotë që nuk ka rëndësi renditja e kandidatit. Në fund renditja do të bëhet sipas votave që merr secili.”-thotë Lapaj në një postim në “Facebook”.
Në listën e Tiranës kryeson Ana Dajko dhe pas saj vijnë Livia Starvri dhe Kleana Xhuveli. Tirana është qarku me më shumë kandidatë, e pas saj vjen Fieri.
Lexo këtu listën e plotë të “Nismës Shqipëria Bëhet”
