Liderja e opozitës venezueliane, María Corina Machado, ka lënë vendin me ndihmën e SHBA-së, duke udhëtuar me varkë nga bregu perëndimor i Venezuelës drejt ishullit Curaçao, sipas zyrtarëve amerikanë të kontaktuar nga ”The Wall Street Journal”. Arratisja e saj, që duket se ishte krejtësisht klandestine, ndodhi vetëm një ditë para ceremonisë së Çmimit Nobel për Paqen, duke bërë që çmimi të dorëzohej përkohësisht vajzës së saj, Ana Corina Sosa Machado.
Machado, e cila ka qenë në arrati për 16 muaj për të shmangur arrestimin nga qeveria e Nicolás Maduro-s, është përballur me rreziqe të mëdha gjatë gjithë kohës. Mbi 100 bashkëpunëtorë të saj janë të burgosur, ndërsa të tjerë janë strehuar ose kanë marrë rrugën e mërgimit për të shmangur kapjen nga shërbimet e inteligjencës chaviste.
Komiteti Norvegjez i Nobelit konfirmoi se Machado do të pranojë çmimin personalisht në Oslo. Në një telefonatë me kryetarin e Komitetit të Nobelit, Jorgen Watne Frydnes, Machado deklaroi se “shumë njerëz” kishin rrezikuar jetën për ta mundësuar udhëtimin e saj, duke shtuar se ishte mirënjohëse për këtë dhe emocionuar që çmimi do të shërbente si një mesazh për popullin venezuelian.
Operacioni sekret dhe mbrojtja e sigurisë së Machado-s tregojnë sfidat që udhëheqësja e opozitës ka përballuar, duke sfiduar ndalimin e udhëtimit që i ishte vendosur qeveria. Arratisja e saj thekson tensionet politike të brendshme dhe rreziqet personale që vijnë nga qëndrimi i saj kundër regjimit Chavist, siç shkruan dhe “The Wall Street Journal”.
