Investitori italian Francesco Becchetti ka fituar 110 milionë euro nga shteti shqiptar. Ai përfiton kompensim pasi edhe Gjykata e Apelit në Paris refuzoi kërkesën e Shqipërisë për të anuluar vendimin e arbitrazhit ndërkombëtar ICSID. Gjykata e Paris ishte hapi i radhës ku Shqipëria shpresonte në anulimin e vendimit të marrë nga ICSID-ja me pretendimin se ishin bërë shkelje të rënda proceduriale dhe tejkalim i mandatit nga ana e trupës gjykuese. Sipas “Globalarbitrationreviews” pas shqyrtimit, gjykata nuk rapotoi shkelje për të justifikuar anulimin e vendimit duke sqaruar se procedurat ishin ndjekur dhe se ishin respektuar të gjitha afatet ndërkombëtare të arbitrazhit. Qëndrimi i gjykatës franceze i hap rrugë ekzekutimit të vendimit i cili nënkupton humbjen e 110 milionë eurove nga arka e shtetit Shqiptar.
Lidhur me rastin Becchetti, kjo sjell pasoja serioze mbi financat publike dhe dëmton imazhin dhe besueshmërinë e Shqipërisë si destinacion investimesh. Vendimet për gjobat e vendosura më herët në arbitrazhin ndërkombëtar që i adresohen Apelit në Paris anulohen shumë rrallë, procedurë kjo që lidhet me nivelin e lartë të administrimit e shqyrtimit të çështjeve të paraqitura. Lidhur me ngjarjen e humbjes së 110 milionë eurove si gjobë të qeverisë për mbylljen e televizionit “Agon Channel” të Becchettit, “The Indipendent” shkruante në vitin 2021 se qeveria ishte e detyruar të mblidhte paratë për të dëshmshpërblyer kompaninë në fjalë. Artikulli nis aty ku përfaqësues të kompanisë elektro-energjitike futen në ambientet e televizionit kur gazetarët ishin në transmetim direkt në emision, ndërsa qeveria drejtohej nga Edi Rama.
