Presidenti Donald Trump tha se do të shkarkonte dy këshilltarë të lartë zgjedhorë nëse angazhimi i tyre për fushatën e Mirolad Dodik në Republikën Srpska do të paraqiste konflikt interesi disa javë përpara zgjedhjeve kritike në SHBA. Dy këshilltarët, Chris LaCivita dhe James Blair, udhëtuan për në territorin vetëqeverisës të Republika Srpska në Bosnje dhe Hercegovinë përpara zgjedhjeve që u mbajtën të dielën, sipas një raporti të New York Times.

Gazeta tha se qeveria e Republika Srpska i mbajti dhe i pagoi ata për të këshilluar mbi çështjet zgjedhore, Trump u kap në befasi nga udhëtimi i dyshes republikane në një kohë kritike për politikën e brendshme të SHBA-së dhe u zemërua, bëri të ditur një aleat i Trump-it, i njohur me dinamikën e brendshme të Shtëpisë së Bardhë.

“Chris LaCivita dhe James Blair janë konsulentë të jashtëm”, shkroi Trump në platformën e tij Truth Social. “Nuk kam asnjë ide se për kë punojnë tjetër, por pasi të reflektoj, do t’i pyes dhe nëse ka një konflikt, do t’i pushoj menjëherë nga puna!”